ရန်ကုန်တိုင်းဒေသကြီးအတွင်း
လိင်စိတ်ကြွဆေးများကို အထူးစီမံချက်ဖြင့် စစ်ဆေးအရေးယူနေကြောင်း
တိုင်းဒေသကြီး ရဲတပ်ဖွ့မှူးရုံးထံမှ သိရသည်။ အဖြစ်များလာသော
မုဒိမ်းမှုများကို လျော့ကျလာစေရန် ရည်ရွယ်ပြီး အမျိုးသားဆေးဝါးဥပဒေဖြင့်
အရေးယူမှုပြုလုပ်မည်ဟု တိုင်းဒေသကြီး ရဲတပ်ဖွဲ့မှူးရုံး တာဝန်ရှိသူက
ပြောသည်။
အထူးစီမံချက်အရ စတင်ပြုလုပ်ပြီး ဖေဖော်ဝါရီ ၁၆ ရက်နေ့တွင်
ရဲအုပ်တစ်ဦး ခေါင်းဆောင်သည့် အဖွဲ့တစ်ဖွဲ့က လမ်းမတော် ၁၅ လမ်းရှိ
ဆေးဆိုင်တစ်ဆိုင်သို့ ဝင်ရောက်ရှာဖွေရာ Roselyn Fun Joy တံဆိပ်နှင့်
Roselyn Virginity Top တံဆိပ် လိင်စိတ်ကြွဆေးများကို
သိမ်းဆည်းရမိခဲ့သည့်အတွက် အမျိုးသား ဆေးဝါးဥပဒေ ပုဒ်မ ၁၈ ဖြင့် အမှုဖွင့်
စစ်ဆေးနေသည်ဟု ရဲတပ်ဖွဲ့မှတ်တမ်းအရ သိရသည်။
မုဒိမ်းမှု ဖြစ်စဉ် အချို့တွင်
လိင်စိတ်ကြွဆေးများ အသုံးပြုမှုများ ရှိနေသည်ကို တွေ့ရှိရသည့်အတွက်
ရဲတပ်ဖွဲ့မှ ရှာဖွေ ဖမ်းဆီးနေခြင်း ဖြစ်သည်ဟု သိရသည်။ တစ်နိုင်ငံလုံးတွင်
၂၀၁၂ ဒီဇင်ဘာလအတွင်း ဖြစ်ပွားခဲ့သော မှုခင်းများအနက် လူသတ်မှုပြီးလျှင်
မုဒိမ်းမှုမှာ အများဆုံးဖြစ်ခဲ့ပြီး အမျိုးသမီး ၆၂ ဦး အဓမ္မကျင့်ခံခဲ့ရသည်။
ထို့အတူ ၂၀၁၃ ဇန်နဝါရီလတွင်လည်း အမျိုးသမီး ၅၂ ဦး အဓမ္မကျင့်ခံခဲ့ရသည့်
အထဲတွင် ရန်ကုန်တိုင်း ဒေသကြီး၌ အများဆုံး ဖြစ်နေကြောင်း သိရသည်။ UNFPA မှ
ဒေါက်တာနေဝင်းက “ဒီဆေး တစ်မျိုးတည်းကိုပဲ ဖမ်းဆီးနေမယ်ဆိုရင် ခဏတဖြုတ်ပဲ
အဆင်ပြေမယ်။ ပညာပေးမှ ရမယ်” ဟု သုံးသပ်သည်။
လိင်စိတ်ကြွဆေးများ
ဖမ်းဆီးမှုအပေါ် ၎င်းက ထောက်ခံခဲ့သော်လည်း လူငယ်များ ရေရှည်သုံးစွဲမှု မရှိစေရန်
စီစဉ်သင့်ကြောင်း ၂၀၁၃ ခုနှစ် ဖေဖော်ဝါရီ ၂၁ ရက်နေ့ထုတ် Popular News
ဂျာနယ်တွင် ဖော်ပြ ထားပါသည်။
No comments:
Post a Comment
Note: Only a member of this blog may post a comment.