နိုင်ငံတော်သမ္မတဦးသိန်းစိန် အီတလီနိုင်ငံသို့ရောက်ရှိအီတလီနိုင်ငံသမ္မတနှင့် ဝန်ကြီးချုပ်တို့နှင့်တွေ့ဆုံ၍ နှစ်နိုင်ငံပိုမိုပူးပေါင်းဆောင်ရွက်ရေးဆွေးနွေး

       

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတဦးသိန်းစိန်သည် မတ်(၆)ရက် နံနက်ပိုင်းတွင် ဘယ်လ်ဂျီယံနိုင်ငံ ဘရပ်ဆဲလ်မြို့မှလေကြောင်း ခရီးဖြင့် ထွက်ခွာခဲ့ရာဒေသ စံတော်ချိန် နံနက် (၉) နာရီခွဲတွင် အီတလီနိုင်ငံရောမမြို့သို့ရောက်ရှိသည်။

       

ထို့နောက် မွန်းလွဲပိုင်းတွင် ရောမမြို့ရှိ သမ္မတနန်းတော် (Quieinale Palace) သို့သွားရောက်၍ အီတလီနိုင်ငံသမ္မတ H.E.Mr. Giorgeo Napolitano အားတွေ့ဆုံ နှုတ်ဆက်သည်။

       

ယင်းနောက် နိုင်ငံတော်သမ္မတနှင့် အဖွဲ့ဝင်များအား အီတလီနိုင်ငံသမ္မတက အလုပ်သဘောနေ့လယ်စာစားပွဲဖြင့် တည်ခင်းဧည့်ခံသည်။

       

ထိုသို့တည်ခင်းဧည့်ခံစဉ် နှစ်နိုင်ငံသမ္မတတို့သည် မြန်မာနိုင်ငံ၌ဖော်ဆောင်နေသည့် နိုင်ငံရေး၊ စီးပွားရေးပြုပြင်ပြောင်းလဲမှု လုပ်ငန်းများဆောင်ရွက်နေမှု၊ လူ့အခွင့်အရေး မြှင့်တင်ရန် ဆောင်ရွက်နေမှု၊ ငြိမ်းချမ်းရေးဖော်ဆောင်နေမှု၊ ကုန်သွယ်ရေး၊ ယဉ်ကျေးမှုနှင့် အခြားကဏ္ဍများတွင် ပိုမိုပူးပေါင်းဆောင်ရွက်ရေး၊ လယ်ယာကဏ္ဍ ဖွံ့ဖြိုးရေးနှင့် အသေးစားငွေကြေး လုပ်ငန်းများတွင် အကူအညီ ရရှိရေး၊ တပ်မတော်ချင်း ပူးပေါင်းဆောင်ရွက်ရေး ကိစ္စရပ်များကိုဆွေးနွေးကြသည်။

       

NLD နိုင်ငံလုံးဆိုင်ရာ ညီလာခံကိုယ်စားလှယ် အဖြစ်မှ ရပ်စဲခံရမှုအပေါ် ဦးခင်မောင်ရှိန် ပြန်လည်ရှင်းလင်း

 

NLD နိုင်ငံလုံးဆိုင်ရာ ညီလာခံကိုယ်စားလှယ်အဖြစ်မှ ရပ်စဲခံရမှုနှင့် စပ်လျဉ်း၍ ရပ်စဲခံရသူ တစ်ဦးဖြစ်သူ ဦးခင်မောင်ရှိန်က ရန်ကုန်မြို့တွင် မတ် ၆ ရက်က ပြန်လည်ရှင်းလင်းခဲ့သည်။ဦးခင်မောင်ရှိန်က ညီလာခံ ကျင်းပရေး ဗဟိုကော်မရှင်၏ စွပ်စွဲမှုများမှာ မှန်ကန်မှုမရှိကြောင်း မီဒီယာများသို့ ပြောကြားခဲ့သည်။

အဖွဲ့ချုပ်အတွင်း ညီညွတ်ရေးကို ပြိုကွဲပျက်စီးစေမည့် အပြုအမူ၊ အပြောအဆို၊ လှုပ်ရှားမှုများ ပြုလုပ်သည်ဟု ခိုင်လုံသောသတင်း ရရှိထားသဖြင့် ဦးခင်မောင်ရှိန် အပါအ၀င် ကိုယ်စားလှယ်လေးဦးအား နိုင်ငံလုံးဆိုင်ရာ ညီလာခံကိုယ်စားလှယ်အဖြစ်မှ ရပ်စဲလိုက်ကြောင်း NLD ညီလာခံ ကျင်းပရေး ဗဟိုကော်မရှင်က မတ် ၅ ရက်တွင် ကြေညာချက် ထုတ်ပြန်ခဲ့သည်။

 

ပြည်ထောင်စု အစိုးရအဖွဲ့၏ ခွင့်ပြုချက်ရရှိမှသာ D-Form စနစ်ကို ပယ်ဖျက်နိုင်မည်

ပြည်ပထွက်ခွာသူများ လျှောက်ထားရသည့် ပြည်ပထွက်ခွာခွင့် D-Form အား ပယ်ဖျက်နိုင်ရန် ပြည်ထောင်စု အစိုးရအဖွဲ့၏ ခွင့်ပြုချက်ရရှိမှသာ ဆောင်ရွက်နိုင်မည်ဖြစ်ပြီး လက်ရှိတွင် D-Form စနစ် ပယ်ဖျက်နိုင်ရန် ပြည်ထောင်စု ရှေ့နေချုပ်ရုံးသို့ အကြံဥာဏ် တောင်းထားဆဲဖြစ်ပြီး လာမည့်ဧပြီတွင် ပယ်ဖျက်ပေးနိုင်လိမ့်မည် ဟု ခန့်မှန်းထားကြောင်း လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနမှ သတင်းရရှိသည်။

 

၁၉၈၂ မြန်မာနိုင်ငံသား ဥပဒေကို ပြင်ဆင်ရန် အစီအစဉ်မရှိကြောင်း သမ္မတဦးသိန်းစိန် ပြောကြား

၁၉၈၂ မြန်မာနိုင်ငံသား ဥပဒေကို အစိုးရအနေဖြင့် ပြင်ဆင်ရန် အစီအစဉ်မရှိကြောင်း သမ္မတဦးသိန်းစိန်က ဖေဖော်ဝါရီ ၂၇ ရက်က နော်ဝေနိုင်ငံ၌ ဒီမိုကရက်တစ် မြန်မာ့အသံ (DVB) မှ တွေ့ဆုံမေးမြန်းမှု ပြုလုပ်ရာတွင် ထည့်သွင်း ဖြေကြားခဲ့သည်။ မြန်မာနိုင်ငံသား ဥပဒေနှင့် ပတ်သက်ပြီး အစိုးရကဖြစ်စေ၊ လွှတ်တော်ကဖြစ်စေ ပြန်လည်စိစစ် သုံးသပ်ရန် အစီအစဉ် ရှိပါသလားဆိုသော မေးခွန်းကို ပြန်လည်ဖြေကြားရာတွင် ယင်းကဲ့သို့ ဖြေကြားခဲ့ခြင်း ဖြစ်သည်။

သမ္မတဦးသိန်းစိန်နှင့် ဥရောပသမဂ္ဂ အကြီးအကဲများ ဘရပ်ဆဲလ်မြို့၌ တွေ့ဆုံဆွေးနွေး

 

ဥရောပငါးနိုင်ငံ ချစ်ကြည်ရေးခရီး သွားရောက်နေသော သမ္မတ ဦးသိန်းစိန်သည် ဥရောပသမဂ္ဂ အကြီးအကဲများနှင့် ဘယ်လ်ဂျီယံနိုင်ငံ ဘရပ်ဆဲလ်မြို့၌ မတ် ၅ ရက်က သီးခြားစီ တွေ့ဆုံဆွေးနွေးခဲ့သည်။ သမ္မတ ဦးသိန်းစိန်သည် ဥရောပကော်မရှင် အကြီးအကဲ Jose Manuel Barroso ၊ ဥရောပသမဂ္ဂ ဥက္ကဋ္ဌ Herman Van Rompuy ၊ ဥရောပသမဂ္ဂ နိုင်ငံခြားရေးရာ မူဝါဒအကြီးအကဲ Catherine Ashton ၊ ဥရောပ ပါလီမန်ဥက္ကဋ္ဌ Martin Schulz တို့နှင့် သီးခြားစီတွေ့ဆုံ ဆွေးနွေးခဲ့ခြင်း ဖြစ်သည်။ ''ဥရောပသမဂ္ဂနဲ့ မြန်မာနိုင်ငံ အကြား ဆက်ဆံရေးမှာ စာမျက်နှာသစ် ဖွင့်လှစ်လိုက်ပါပြီ။ တွေ့ဆုံဆွေးနွေးခြင်း၊ အကူအညီ အထောက်အပံ့ ပေးခြင်းနဲ့ ကုန်သွယ်မှုနဲ့ ရင်းနှီးမြှုပ်နှံမှုတို့မှာ ပိုမိုပြုလုပ်လာမှာ ဖြစ်ပါတယ်'' ဟု ဥရောပကော်မရှင် အကြီးအကဲ Jose Manuel Barroso က ပြောသည်။ 

 

အမေရိကန်၏ ရွှေ့ လျားနေသော စစ်တပ်

ရွှေ့ လျားနေသော စစ်တပ်ကြီးပါပြီ။ တိုက်ယာဉ် အစင်း ၉၀၊ စစ်သည်ပေါင်း ၅၀၀၀၊ တင့်ကား၊ လောင်ချာ၊ တာပီဒို ပြောမကုန်အောင် စစ်လက်နက် စုံစုံလင်လင် ပါရှိတော့ သူ့ကိုမှ ရွှေ့ လျားနေ တဲ့ စစ်တပ်လို့ မခေါ်ရင် အခြား နာမည်မရှိတော့ပါဘူး။

ကချင်ပြည်နယ်၊ ရခိုင်ပြည်နယ် အရေးဆိုင်ရာ ကိစ္စရပ်များနှင့် နှစ်နိုင်ငံ တပ်မတော်ချင်း ပူးပေါင်း ဆောင်ရွက်ရေး ဆိုင်ရာများ ဆွေးနွေး

 

ယနေ့ မွန်းလွဲ ၂ နာရီတွင် ကာကွယ်ရေး ဝန်ကြီးဌာန ပြည်ထောင်စု ဝန်ကြီး ဒုတိယ ဗိုလ်ချုပ်ကြီး ဝေလွင်အား မြန်မာနိုင်ငံ ဆိုင်ရာ ဗြိတိန် နိုင်ငံ သံအမတ်ကြီး H.E.Mr. Andrew Richard Heyn သည် ဝန်ကြီးရုံး ဧည့်ခန်းမ၌လာရောက် တွေ့ဆုံ၍ မြန်မာနိုင်ငံ ဆိုင်ရာ ဗြိတိန် စစ်သံမှူး ခန့်အပ်ခြင်း ကိစ္စ၊ ကချင်ပြည်နယ်နှင့် ရခိုင်ပြည်နယ် အရေး ဆိုင်ရာ ကိစ္စရပ်များ၊ နှစ်နိုင်ငံ တပ်မတော်ချင်း ပူးပေါင်း ဆောင်ရွက်ရေး ဆိုင်ရာ ကိစ္စရပ် များကို ရင်းနှီး ပွင့်လင်းစွာ ဆွေးနွေးခဲ့ ကြပြီး အဆိုပါ ဆွေးနွေးပွဲသို့ ဒုတိယ ဝန်ကြီး  ဗိုလ်မှူးချုပ် အောင်သော်နှင့် တာဝန်ရှိသူများ တက်ရောက် ခဲ့ကြကြောင်း သတင်း ရရှိသည်။     

 

MWD

မတ်လ ၁၁ ရက်နေ့ အစိုးရနှင့် KIA ဆွေးနွေးမည်

လာမယ့် မတ်လ ၁၁ ရက်နေ့ကျရင် အစိုးရငြိမ်းချမ်းရေး ဖော်ဆောင်ရေး အဖွဲ့တွေနဲ့ တရုတ်နိုင်ငံ ရွှေလီမြို့မှာ တွေ့ဆုံကြမယ်လို့ ကေအိုင်အေ ပြောရေးဆိုခွင့်ရှိသူ ဦးလနန်က ပြောပါတယ်။

ကေအိုင်အိုနဲ့အစိုးရဟာ ပြီးခဲ့တဲ့ ဖေဖော်ဝါရီက ၄ ရက်နေ့ကလည်း တွေ့ဆုံဆွေးနွေးခဲ့ပြီး အဲဒီဆွေးနွေးပွဲမှာ စစ်ရေးအရှိန်တွေ လျှော့ချမယ်လို့ ပြောခဲ့ပေမယ့်လည်း တိုက်ပွဲငယ်တွေ ပြန်ဖြစ်နေတာ ၊ အစိုးရတပ်ဘက်က တပ်တွေ နောက်ဆုတ် သွားတာမ၇ှိဘဲ တပ်အလဲအလှယ်လုပ်တာ ၊ စစ်စခန်းတွေ ပြင်ဆင်ဆောက်လုပ်နေတာတွေ တွေ့နေရတဲ့အတွက် စစ်ရေးကိစ္စလည်း ထပ်ဆွေးနွေးဖွယ်ရှိတယ်လို့ သူကဆက်ပြောပါတယ်။

တရုတ်နိုင်ငံက ကာကွယ်ရေး ကဏ္ဍတွင် ငွေကြေးတိုးမြှင့် သုံးစွဲသွားမည်

တရုတ် နိုင်ငံသည် ကာကွယ်ရေး အသုံးစရိတ်ကို ၁ဝ ဒသမ ၇ ရာခိုင်နှုန်း အထိ တိုးမြှင့် သုံးစွဲသွား မည် ဖြစ်ကြောင်းနှ င့် နိုင်ငံ၏ စစ်ဘက်ဆိုင်ရာ ကဏ္ဍတွင် စုစုပေါင်း အသုံးစရိတ် စတာလင်ပေါင် ၇၆ ဒသမ ၄ ဘီလီ ယံကို သုံးစွဲသွားမည် ဖြစ်ကြောင်း တရုတ် အစိုးရ အဖွဲ့က ကြေညာခဲ့သည်။

အသုံးစရိတ် များကို စစ်ဘက်ဆိုင်ရာ အရာရှိများနှင့် အခြားအဆင့် တပ်ဖွဲ့ဝင်များ၏ ဘဝ နေထိုင်မှုနှင့် အ လုပ် လုပ်ကိုင် မှုကို တိုးမြှင့်ရာတွင် အထောက်အပံ့ ပေးရေး ကြိုးပမ်း ဆောင်ရွက်မှုများနှင့် လက်နက်ကိုင် တပ် ဖွဲ့ ဝင်များအား ခေတ်မီလက် နက်များ ပိုမို တပ်ဆင်ပေးရန် သတင်း အချက်အလက် အပေါ် အခြေခံ ၍ လုံခြုံ စိတ်ချရသော အမျိုးသား လုံခြုံရေး အခြေအနေတို့ ဖြစ်လာစေရေး တို့တွင် အသုံးပြု သွား     မည်ဖြစ်ေ ကြာ င်း ကြေညာချက်တွင် ပြောကြားထားသည်။

 

ပြုပြင်ပြောင်း လဲရေး လုပ်ငန်း စဉ်များ ကို နောက်ပြန်လန်ကျ သွားနိုင်သော စိန်ခေါ် မှုများရှိသည့် တိုင် ရှေ့ကို ဆက် လက်ချီတက်ရန် ရဲရဲဝံ့ဝံ့ ဖော်ဆောင်သွားမည်ကို ကတိပြုကြောင်း နိုင်ငံတော်သမ္မတ ပြောကြား

ပြုပြင်ပြောင်းလဲရေး လုပ်ငန်းစဉ်များကို နောက်ပြန်လန်ကျသွားစေနိုင်သော စိန်ခေါ်မှုများ ရှိလာသည့်တိုင် မိမိတို့အနေဖြင့် ရှေ့ကိုသာ ဆက်လက် ချီတက်သွားရန် ရဲရဲဝံ့ဝံ့ ဖော်ဆောင် သွားမည်ကို ကတိပြုနိုင်ကြောင်းနိုင်ငံတော်သမ္မတ ဦးသိန်းစိန်က မတ်လ ၅ ရက်နေ့တွင် ဘယ်လ်ဂျီယံနိုင်ငံ ဘရပ်ဆဲလ်မြို့ရှိ ဥရောပကော်မရှင်ရုံး၌ ဥရောပ ကော်မရှင်ဥက္ကဋ္ဌ Mr.Jose Manual Barroso နှင့် တွေ့ဆုံဆွေးနွေးမှုအပြီး သတင်းစာရှင်းလင်းပွဲတွင် မီဒီယာများအား ပြောကြားခဲ့သည်။

မြန်မာ့ အသံနှင့် ရုပ်မြင်သံကြား၊ နိုင်ငံပိုင် သတင်းစာများတွင် ပြည်သူများ စဉ်ဆက်မပြတ် သိရှိစေရန် ဖော်ပြ ပေးလျက်ရှိ

ပထမ အကြိမ် ပြည်သူ့လွှတ်တော် ဆဋ္ဌမပုံမှန် အစည်းအဝေး (၂၂)ရက်မြောက်နေ့ကို ယနေ့ နံနက်ပိုင်းတွင် ကျင်းပရာ ကွန်ဟိန်း မဲဆန္ဒနယ်မှ ဒေါ်နန်းဝါနု၏ တည်ဆဲဥပဒေ၊ နည်းဥပဒေ၊ လုပ်ထုံး လုပ်နည်း များကို ကျေးလက်နေ ပြည်သူများ ကျယ်ပြန့်စွာ သိရှိ နားလည်နိုင်ရန် မည်သို့ စီမံဆောင်ရွက် ထားသည်ကို သိရှိလို ကြောင်း မေးခွန်းနှင့် စပ်လျဉ်း၍ ဖျက်သိမ်းခြင်း၊ ပြင်ဆင်ခြင်းနှင့် အသစ်ပြန် လည် ရေးဆွဲခြင်းများ ဆောင်ရွက်ခဲ့သော ဥပဒေ၊ နည်းဥပဒေနှင့် လုပ်ထုံး လုပ်နည်းများကို ပြည်သူများ ကျယ်ကျယ်ပြန့်ပြန့် သိရှိနားလည် နိုင်ရန် အတွက် မြန်မာ့ အသံနှင့် ရုပ်မြင်သံကြားက အချိန်နှင့် တစ်ပြေးညီ သတင်း ထုတ်ပြန် ကြေညာခြင်း၊ နိုင်ငံပိုင် သတင်းစာ များတွင် ထည့်သွင်းဖော်ပြ ပေးခြင်းများ အပြင် ပြည်သူများ စဉ်ဆက်မပြတ် သိရှိ နိုင်စေရန် ပုဂ္ဂလိက ဂျာနယ်များ၊ မဂ္ဂဇင်းများ၊ အင်တာနက် သတင်းဌာနများ၊  တရားဝင် ထုတ်ပြန် ထားရှိသည့် သမ္မတ ရုံးနှင့် ဝန်ကြီးဌာန ဝက်ဘ်ဆိုက် များ၌လည်း ထည့်သွင်း ဖော်ပြပေးလျက် ရှိပါကြောင်းဖြင့် ပြည်ထဲရေး ဝန်ကြီးဌာန ဒုတိယဝန်ကြီး ရဲချုပ် ကျော်ကျော်ထွန်းက ပြန်လည်ဖြေ ကြားခဲ့သည်။

 

ဗင်နီဇွဲလား သမ္မတ ဟူဂိုချာဗက် ကင်ဆာရောဂါဖြင့် သေဆုံး

ဗင်နီဇွဲလား နိုင်ငံကို ၁၄ နှစ်ခန့်ကြာ အုပ်ချုပ် ခဲ့သော သမ္မတ ဟူဂိုချာဗက် သည် မတ်လ ၅ ရက်နေ့ ညနေ ၄ နာရီ ၂၅ မိနစ်တွင် ကင်ဆာရောဂါ ဖြင့် သေဆုံး သွားခဲ့ကြောင်း နှင့် အစိုးရသည် ငြိမ်းချမ်းရေး ကို ထိန်းသိမ်းရန် နှင့် ပြည်သူများကို အကာအကွယ် ပေးရန် အတွက် စစ်ဘက် နှင့် ရဲတပ်ဖွဲ့ ၀င်များကို ဖြန့်ကြက် ချထားခဲ့ကြောင်း ဒုတိယ သမ္မတ Nicolas Maduro က ထုတ်ဖော် ပြောကြား ခဲ့သည်ဟု NEWS now သတင်း တစ်ပုဒ်အရ သိရသည်။

 

အီရန်နိုင်ငံက Qaem ဆက်သွယ်ရေး ဂြိုဟ်တုလွှတ်တင်မည်

အီရန်နိုင်ငံက Quem အမည်ရှိ ဆက်သွယ်ရေး ဂြိုဟ်တုကို နိုင်ငံအတွင်းရှိ ရုပ်မြင်သံကြားနှင့် ရေဒီယို အစီအစဉ်များ ကောင်းမွန်စေရန်အတွက် လာမည့်နှစ်များတွင် အာကာသအတွင်း လွှတ်တင် သွား မည်ဖြစ်ကြောင်း အီရန် အာကာသအေဂျင်စီ ခေါင်းဆောင် (အိုက်အကစ်အေ)၏ ပြော ကြားချက် ကို မတ် ၄ ရက်က ပရက်စ်တီဗွီ သတင်းတွင် ဖော်ပြသည်။ 

ထရန်စပွန်ဒါ ၁၂ ခုနှင့်အတူ အလေးချိန်တစ်တန်ရှိ အဆိုပါ ဆက်သွယ်ရေး ဂြိုဟ်တုကို လာမည့်ငါးနှ စ်အတွင်း အီရန်နိုင်ငံ၏ ဂြိုဟ်ပတ်လမ်းကြောင်းဆိုင်ရာ နေရာများအနက် တစ်နေရာတွင် ထားရှိသွား ရန် မျှော်လင့်ထားကြောင်း အိုင်အက်စ်အေခေါင်းဆောင် ဟာမစ်ဖာလဇလီက မတ် ၃ ရက် တွင် ပြောကြားခဲ့သည်။ ယင်းအစီအစဉ် ပြီးမြောက်အောင်မြင်စေရန် အလို့ငှာ ကမ္ဘာမြေ၏ မျက်နှာပြင်မှ အမြင့် ကီလိုမီတာ ၃၆၀၀၀ ခန့်ရှိ ဂြိုဟ်ပတ်လမ်းကြောင်း အတွင်းသို့ အလေးချိန် တစ်တန်အထက် ဂြိုဟ်တုများထားရှိနိုင်ရန် အာကာသဒုံးပျံ သယ်ဆောင်ရေးယာဉ်များကို ထုတ်လုပ်သင့်ကြောင်း ဖာဇလီက ဆက်လက် ပြောကြားခဲ့သည်။ ထို့အပြင် အမျိုးသား ဂြိုဟ်တုလွှတ်တင်ရေး စခန်းတစ်ခုကိုလည်း အီရန်နိုင်ငံ အရှေ့တောင်ပိုင်းတွင် ခိုင်ခိုင်မာမာ ရှိထားသင့်ကြောင်း ၄င်းက ပြောကြားသည်။ 

ပရက်စ်တီဗွီ

ငြိမ်းချမ်းရေးလမ်းလျှောက်သူများ ကချင်ပြည်နယ် ဆားမှော်နှင့် မိုးမောက်မြို့သို့ ရောက်ရှိနေပြီ

ရန်ကုန်မြို့မှ လိုင်ဇာမြို့ထိ ကိုရန်နိုင်ထွန်း ဦးဆောင်သော ငြိမ်းချမ်းရေး လမ်းလျှောက် အဖွဲ့သည် ယနေ့ မိုးကောင်းမြို့နယ် ဆားမှော်မြို့တွင် ရောက်ရှိနေပြီး တခြားအဖွဲ့သည် ဗန်းမော်မြို့နယ် မိုးမောက်မြို့သို့ ရောက်ရှိနေပြီ ဖြစ်ကြောင်း နှစ်ဖွဲ့လုံးမှ အဖွဲ့ဝင်များက ပြောသည်။

ဧရာဝတီမြစ် အနောက်ဘက်မှ လမ်းလျှောက်အဖွဲ့သည် ယနေ့နံနက်မိုးကောင်း မြို့နယ် သောင်နီကျေးရွာမှ ထွက်ခွာလာပြီး ဆားမှော်မြို့တွင် တည ရပ်နားမည် ဖြစ်သည်ဟု အဆိုပါအဖွဲ့မှ ကိုဝင်းချိူက မဇ္ဈိမသို့ပြောသည်။၎င်းက “ခြေထောက်နာနေတဲ့ သူတွေကို ကျနော်တို့ မြစ်ကြီးနားရောက်တဲ့ထိ သူတို့ကို ဆရာဝန်က အနားယူဖို ပြောပါတယ်။ ကျနော်တို့ မြစ်ကြီးနားရောက်တဲ့ထိ သူတို့ အနားယူပါစေဆိုတဲ့ ဆန္ဒနဲ့ အခု သူတို့ကို ပို့ပါမယ်”ဟု မဇ္စျိမကို ပြောသည်။

အဖွဲ့ချုပ်အတွင်း ညီညွတ်ရေးကို ပြိုကွဲပျက်စီးစေမည့် အပြုအမူ၊ အပြောအဆို၊ လှုပ်ရှားမှုများပြုလုပ်သော သူများအား NLD ပါတီ ညီလာခံ ကိုယ်စားလှယ် အဖြစ်မှ ရပ်ဆဲ

နယ်မြေကျူးကျော်လာသူများအား မလေးရှားစစ်တပ် စီးနင်းတိုက်ခိုက်

မကြာသေးမီ ရက်များက ဘော်နီယိုကျွန်းတွင် ရဲတပ်ဖွဲ့ဝင် ရှစ်ဦးကို သတ်ဖြတ်သွားသော ဖိလစ်ပိုင် လက်နက်ကိုင်များအား မလေးရှား စစ်သားများက ၀င်ရောက်စီးနင်း တိုက်ခိုက်ခဲ့ကြောင်း မတ် ၅ ရက်က ဘီဘီစီ သတင်းတွင် ဖော်ပြသည်။ မလေးရှား တပ်ဖွဲ့ဝင်များသည် ဂျက်တိုက်လေယာဉ်များ ပစ်ကူမှုရယူပြီး ဖိလစ်ပိုင် ၁၈၀ ခန့် ၀င်ရောက်နေသည့် လာဟက်ဒါတု ဒေသအနီး၌ တိုက်ခိုက်ခဲ့ခြင်းဖြစ်သည်။ အဆိုပါ စစ်ဆင်ရေးကို မတ် ၄ ရက် နံနက် ၇ နာရီတွင် စတင်ကြောင်း မလေးရှားအစိုးရက ပြောသည်။ မလေးရှားတို့ စီးနင်းတိုက်ခိုက်ပြီးနောက် တပ်ရင်းခုနစ်ရင်းကို ယင်းဒေသ၌ ဖြန့်ကြက်ချထားလိုက်သည်။ ဖိလစ်ပိုင်တို့က လွန်ခဲ့သည့် လမှစပြီး ယင်းတို့ပိုင်မြေဟုဆိုကာ လာဟက်ဒါတုခရိုင် ကမ်းရိုးတန်း ကျေးရွာတစ်ရွာ၌ အခြေချ နေထိုင်ခဲ့သည်။ ဖိလစ်ပိုင် လက်နက်ကိုင်အဖွဲ့က ၄င်းတို့နေထိုင်သော နေရာမှ ဖယ်ရှားပေးရန် မလေးရှား အစိုးရထံ ငွေတောင်းခံထားသည်။ မလေးရှားက ဖိလစ်ပိုင်လက်နက်ကိုင် တို့၏ ငွေတောင်းခံမှုကို ငြင်းဆိုပြီး ကိုယ့်နိုင်ငံကိုယ် ပြန်ကြရန် တိုက်တွန်းထားသည်။ 

ဘီဘီစီ

သံလွင်မြစ်ပေါ် တည်ဆောက်မည့် ရေအားလျှပ်စစ် စီမံကိန်းခြောက်ခု၏ သက်ရောက်နိုင်ခြေများ သတိပြုရန် ပညာရှင်များ အကြံပြု

သံလွင်မြစ်ပေါ်တွင် မဂ္ဂါဝပ်တစ်သောင်းခွဲကျော် ထုတ်လုပ်နိုင်မည့် ရေအားလျှပ်စစ် စီမံကိန်းခြောက်ခု တည်ဆောက်မည် ဆိုပါက သဘာဝပတ်ဝန်းကျင် ထိခိုက်မှုနှင့် ဒေသခံများ၏ လူမှုစီးပွားအပေါ် သက်ရောက်မှုများအား အလေးထား ဆောင်ရွက်စေလိုကြောင်း မြန်မာနိုင်ငံ သဘာဝပတ်ဝန်းကျင်ဆိုင်ရာ ပညာရှင်များက အကြံပြု ပြောကြားသည်။ သံလွင်မြစ်ကြောင်း တစ်လျှောက် ရှမ်းပြည်နယ်၌ စီမံကိန်းလေးခု၊ ကယားပြည်နယ်၌ တစ်ခု၊ ကရင်ပြည်နယ်၌ တစ်ခုတို့အား တရုတ်ကုမ္ပဏီ ငါးခု၊ ထိုင်းကုမ္ပဏီတစ်ခုနှင့် မြန်မာတိုင်းရင်းသားပိုင် ကုမ္ပဏီနှစ်ခုတို့ ပူးပေါင်း၍ တည်ဆောက်သွားမည်ဟု လျှပ်စစ်စွမ်းအား ဝန်ကြီးဌာန ဒုတိယဝန်ကြီး ဦးမြင့်ဇော်က ဖေဖော်ဝါရီ ၂၇ ရက်တွင် ပြည်သူ့လွှတ်တော် အစည်းအဝေး၌ ပြောကြားခဲ့သည်။ 

“Dam (ဆည်) တွေ ဆောက်တာ မကောင်းဘူး။ ပေ ၅၀ အထက်ဆိုရင် သဘာဝပတ်ဝန်းကျင် ပျက်ပြီ။ ပြီးတော့ ပျက်နေတဲ့ သဘာဝပတ်ဝန်းကျင်ကို ပြန်ပြီး အဖတ်ဆယ်နိုင်မယ့် Plan (အစီအစဉ်) ရှိရမယ်။ ဒါကို မလုပ်ဘဲနဲ့ ဘယ်စီမံကိန်းမှ ခွင့်ပြုဖို့ မကောင်းဘူး” ဟု သဘာဝပတ်ဝန်းကျင်နှင့် သစ်တောပညာရှင် ဦးအုန်းက ပြောသည်။ ဆည်များ၊ ရေကာတာများ တည်ဆောက်ရာတွင် သဘာဝပတ်ဝန်းကျင်နှင့် လူမှုပတ်ဝန်းကျင်ကို ထိခိုက်မှု အနည်းဆုံးဖြစ်အောင် လုပ်ရမည်ဖြစ်ပြီး ထိခိုက်နစ်နာသော ဒေသများအား ထိုအနည်းဆုံးထက် အဆများစွာ သာလွန်သော ဘဝကို သက်ဆိုင်ရာမှ ပြန်လည် ဆောင်ရွက်ပေးမည်ဆိုလျှင် စီမံကိန်းများကို လက်ခံမည်ဖြစ်ကြောင်း Environmental Economic Research Institute မှ အကြံပေးပုဂ္ဂိုလ် ဦးဇော်သိန်းက ပြောသည်။

တန်ဖိုးနည်းအိမ်ရာ ဈေးနှုန်းများ ပြန်ပြင်မည်

ရန်ကုန်တိုင်းဒေသကြီး ဒဂုံဆိပ်ကမ်းမြို့နယ်တွင် အစိုးရမှ အကောင်အထည်ဖော် ဆောင်ရွက်မည့် ဧရာဝဏ် စီမံကိန်းနှင့် ရတနာအိမ်ရာ စီမံကိန်းတို့၏ သတ်မှတ်ထားသော ဈေးနှုန်း များကို ပြင်ဆင် သတ်မှတ်သွားမည် ဖြစ်ကြောင်း မြို့ရွာနှင့် အိုးအိမ်ဖွံ့ဖြိုးမှု ဦးစီးဌာနမှ ဒုတိယညွှန်ကြားရေးမှူး က ပြောသည်။ 

လွန်ခဲ့သော ရက်သတ္တပတ်က ပြည်ထောင်စုလွှတ်တော် အစည်းအဝေးတွင် သံတွဲမြို့နယ် မဲဆန္ဒနယ်မှ လွှတ်တော် ကိုယ်စားလှယ် ဦးရဲထွန်းက တန်ဖိုးနည်းအိမ်ရာ စီမံကိန်းများ၏ ဈေးနှုန်းကို အစိုးရ၀န်ထမ်းများ အမှန်တကယ် လက်လှမ်းမီသည့် ဈေးနှုန်းအဖြစ် ပြန်လည် ပြင်ဆင်သင့်ကြောင်း လွှတ်တော်အတွင်း အဆိုတစ်ရပ် တင်သွင်းခဲ့ပြီးနောက် ယခုကဲ့သို့ ဈေးနှုန်းပြင်ဆင်ရန် ဌာနမှ ဆောင်ရွက်ခြင်းဖြစ်ကြောင်း သတင်းရရှိသည်။ 

၁၂ တန်း ပညာရေးအပေါ် ကျွမ်းကျင်သူတို့၏အမြင် ပွင့်လင်းစွာ ဆွေးနွေးကြမည်

၁၂ တန်း ပညာရေးအပေါ် ပါတီနှင့် အဖွဲ့များမှ ပညာရှင်များနှင့် မတ်လထဲတွင် ပထမဦးဆုံး တွေ့ဆုံဆွေးနွေး သွားရန်ရှိကြောင်း ပညာရေးဝန်ကြီးဌာန ဒုတိယဝန်ကြီးက ပြောသည်။ ပြည်ခိုင်ဖြိုး၊ NLD၊ တစည စသော နိုင်ငံရေးပါတီများ၊ လူမှုအဖွဲ့အစည်းများမှ ပညာရှင်များနှင့် ပညာရေးဝန်ကြီးဌာနမှ တွေ့ဆုံကာ အခြေခံပညာ အဆင့် ကဏ္ဍကို ပွင့်လင်းစွာ ဆွေးနွေးကြရန်အတွက် ဖြစ်သည်ဟု အထက်ပါပုဂ္ဂိုလ်က ပြောသည်။ 

“ပြောချင်တဲ့ အကြောင်းအရာ၊ ပြောလိုတဲ့ ကိစ္စကို ပွင့်ပွင့်လင်းလင်း ပြောကြရအောင်လို့ပါ။ အခုက ပြည်သူရဲ့ ဆန္ဒ မပါဝင်ဘဲ မလုပ်ချင်ဘူး။ ပြည်သူဆိုတာက ပညာကို ပြောတာပါ” ဟု ဒုတိယဝန်ကြီးက ဆက်ပြောသည်။ အခြေခံပညာ အဆင့်၌ ၁၂ တန်း ပညာရေးစနစ်သစ်ကို သွားမည်ဖြစ်ရာ ထိုစနစ်သစ်အပေါ် အတန်းစဉ်များ အလိုက် တင်ပြဆွေးနွေးကြရန်နှင့် အခြေခံပညာကျောင်း စတင်တက်ရောက်ရန် အသက် ၆ နှစ်မှ ဝင်ခွင့်လက်ခံ သတ်မှတ်သွားမည့်အပေါ် ဝိုင်းဝန်း အကြံပြုကြရန်အတွက် ဖြစ်ကြောင်း ပညာရေးဝန်ကြီးဌာနမှ သိရသည်။ 

နေပြည်တော်တိုင်း စစ်ဌာနချုပ် နယ်မြေတစ်ဝိုက် ရွှေကြောများတွေ့

နေပြည်တော် ကောင်စီနယ်မြေ အတွင်းရှိ နေပြည်တော်တိုင်း စစ်ဌာနချုပ် နယ်မြေအနီးတစ်ဝိုက်တွင် စီးပွားဖြစ် ထုတ်နိုင်သော ရွှေကြောများ ရှိနေကြောင်း ဘူမိဗေဒပညာရှင် ဦးစိုးသိန်းက ပြောသည်။ ယခင် နေပြည်တော် မြို့တော်အဖြစ် မဖော်ထုတ်ခင် ၁၉၈၉ ခုနှစ် အစောပိုင်းကာလက ယင်းနယ်မြေတွင် သရက်ခုံ ရွှေကြောတစ်ခု ရှိခဲ့ပြီး မြန်မာနိုင်ငံ၏ ပထမဆုံး ရွှေထုတ်လုပ်သည့် စက်ရုံဖြစ်ခဲ့ကြောင်း ၎င်းက ပြောသည်။ 

ဖွဲ့စည်းပုံ အခြေခံ ဥပဒေ ပြင်ရန် ပြည်သူအများ သဘောတူမည် ဆိုပါက အစိုးရ ကလည်း သဘောတူ သွားမည်ဟု သမ္မတ ဦးသိန်းစိန် ပြောကြား

ပြည်သူအများ သဘောတူမည်ဆိုပါက ဖွဲ့စည်းပုံ အခြေခံဥပဒေကို ပြင်ဆင်သွားရန် အစိုးရကလည်း သဘောတူသွားမည်ဟု နိုင်ငံတော်သမ္မတ ဦးသိန်းစိန်က ဖေဖော်ဝါရီ ၂၇ ရက်တွင် ပြောကြား ခဲ့ သည်။ နော်ဝေနိုင်ငံရှိ ဒီမိုကရက်တစ် မြန်မာ့အသံ (DVB) နှင့် တွေ့ဆုံေ မးမြန်း မှု ပြု လုပ် ရာတွင် နိုင်ငံတော်သမ္မတက ယင်းကဲ့သို့ ထည့်သွင်းပြော ကြားခဲ့ခြင်း ဖြစ်သည်။ 

အခြေခံဥပဒေသည် ပြင်ဆင်နိုင်သည့် ဥပဒေတစ်ခုဖြစ်ပြီး အခြားနိုင်ငံများတွင်လည်း အခြေအနေနှင့် အချိန်အခါကို ကြည့်ကာ ပြင်ဆင်သည်များရှိကြောင်း၊ ပြင်ရေး မပြင်ရေးသည် ပြည်သူများအပေါ်တွင်သာ မူတည်ကြောင်း ၎င်းကပြောသည်။ နိုင်ငံတော် သမ္မတက "အခြေခံဥပဒေ ပြင်ရေးမပြင်ရေးဟာ အစိုးရရဲ့ အဆုံးအဖြတ်ပေါ် မမူတည်ပါဘူး။ အဓိက လွှတ်တော်ထဲက လူတွေရဲ့ ဆန္ဒပေါ်မှာ မူတည်ပါတယ်။ လွှတ်တော်ထဲက လူတွေကလည်း ပြည်သူကနေ ရွေးချယ်ထားတဲ့ ကိုယ်စားလှယ်တွေဆိုတော့ ပြည်သူ့ရဲ့ ဆန္ဒပေါ်မှာလည်း မူတည်ပါတယ်။ အဲဒီတော့ ပြင်ဖို့မပြင်ဖို့နဲ့ ပတ်သက်လို့ကတော့ အစိုးရက ဘာမှ ဝေဖန်ချက်ပေးစရာ မရှိပါဘူး။ ပြည်သူအများ သဘောတူတယ်ဆိုရင် အစိုးရကလည်း သဘောတူမှာ ဖြစ်ပါတယ်" ဟု ပြောသည်။