ကရင်ပြည်နယ်၊ ကော့ကရိတ်မြို့နယ်အတွင်းရှိ သိဝါးကျေးရွာမှ ရွာသားတစ်ဦးသည် ယခုလဆန်းပိုင်းက ထင်းရှာထွက်ရင်း မြေမြုပ်မိုင်းနင်းမိ၍ ညာဘက်ခြေထောက် ပြတ်သွားသည်ဟု ဒေသခံများ ၏ ပြောပြချက်အရ သိရသည်။ ဖေဖော်ဝါရီလ ၁ ရက်နေ့က အသက် ၃၂ နှစ်အ ရွယ် စောဖါး ဒါးသော့ဆိုသူသည် ဒီမိုကရေစီအကျိုးပြု ကရင့်တပ်မ တော်-DKBA (၉၀၇) တပ်ရင်းမှ မသွား ရန် ကန့်သတ်ထားသည့် နယ်မြေသို့ ထင်းရှာထွက်ခဲ့သောကြောင့် ထိုသို့ မိုင်းနင်းမိခဲ့ခြင်းဖြစ်ကြောင်း အမည် မဖော်လိုသူ ဒေသခံတစ်ဦးက ကေအိုင်စီသို့ ပြောသည်။
“သူ(စောဖါးဒါးသော့)က ထင်းရှာဖို့ သွားရင်း မိုင်းနင်းမိတာပေါ့နော်။ သူ့ကို ရွာသားတွေက သွားပြန်ထမ်း လာတာ။ အဲဒီနေ့ တရက်တည်းပဲ ကော့ကရိတ်ဆေးရုံကို ပို့တယ်။ မိုးချုပ်မှ ရောက်တယ်။ နောက်ပြီး အခုလို ရွာသားတစ်ဦး မိုင်းထိတာ ဖြစ်ပွားတော့ ကျန်ရွာသားတွေ တော်တော်ထိတ်လန့် နေကြတယ်” ဟု ပြောဆိုသည်။ ၎င်းရွာသား မိုင်းနင်းမိမှုကြောင့် ကျန်ရွာသားများ ထိုတောထဲသို့ မသွား လာရဲဘဲဖြစ်ကာ လုပ်ငန်းကိုင်ငန်းများ ထိခိုက်လျှက်ရှိသည်ဟု သူက ဆက်လက် ပြောဆိုသည်။
သိဝါးရွာရှိ ရွာသူရွာသားများသည် အဆောက်အဦးအတွက် သိဝါးတောမှ ထွက်ရှိသော သစ်၊ ၀ါး၊ အင်ဖက် စသည်တို့ကို အမှီပြုကြရသလို အသက်မွေးဝမ်းကျောင်းအတွက် ထိုတောထဲတွင် တောင်ယာ၊ ဥယျာဉ်ခြံနှင့် ရော်ဘာ(ကော်)ခြံလုပ်ငန်းများ လုပ်ကိုင်လုပ်နေကြခြင်းဖြစ်သည်ဟု ဒေသခံများက ဆိုသည်။ မိုင်းနင်းမိသည့် စောဖါးဒါးသော့သည် ဇနီးနှင့် သမီး ၃ ဦးရှိသည့် အိမ်ထောင်သည် အမျိုးသားတစ်ဦးဖြစ်ပြီး လက်ရှိ ကော့ကရိတ်ဆေးရုံကြီးတွင် ဆေးဝါးကုသမှု ခံယူနေဆဲဖြစ်သည်ဟု သိရသည်။
ကရင်ပြည်နယ်၊ ကော့ကရိတ်မြို့နယ် အတွင်းရှိ သိဝါး ကျေးရွာ တ၀ိုက်တွင် DKBA အပါအ၀င် မြန်မာအစိုးရစစ် တပ်၊ နယ်ခြား စောင့်တပ်နှင့် KNU လက်အောက်ခံ ကရင်အမျိုးသား လွတ်မြောက်ရေး တပ်မတော်-KNLA တို့ သွားလာ လှုပ်ရှားလျှက် ရှိသည်။
ကေအိုင်စီ
No comments:
Post a Comment
Note: Only a member of this blog may post a comment.