ကမ္ဘာလှည့် ခရီးသည်များ ပြည်တွင်းသို့ ဝင်ရောက် ရာတွင် ပြည်ဝင် ဗီဇာများ ရယူနိုင်ရန် ကောင်းမွန် ပြည့်စုံသော ပြည်ဝင် စနစ် မူဝါဒ ချမှတ် နိုင်ရေး ဆွေးနွေး

 

 

နိုင်ငံတော်တွင် ပြည်သူ ဗဟိုပြု လူမှု စီးပွားဘဝ ဖွံ့ဖြိုး တိုးတက်ရေး ရည်မှန်းချက် များကို ရုပ်လုံး ဖော်လျက်ရှိရာ စီးပွားရေး လုပ်ငန်းများအတွက် တန်းတူ ယှဉ်ပြိုင်ခွင့်နှင့် ရင်းနှီး မြှုပ်နှံမှု အတွက် အခြေခံကောင်းများ ဖန်တီးပေးပြီး နိုင်ငံတကာ အသိုင်းအဝိုင်းနှင့် ချိတ်ဆက်ကာ ဈေးကွက် စီးပွားရေး စနစ် ပုံပေါ်အောင် ကြိုးပမ်း ဆောင်ရွက်နေချိန် ဖြစ်ကြောင်း၊ ရင်းနှီး မြှုပ်နှံမှုနှင့် နည်းပညာများ စီးဝင်ရေးအတွက် နိုင်ငံခြား ရင်းနှီး မြှုပ်နှံမှု ဥပဒေနှင့် အထူးစီးပွား ရေးဇုန် ဥပဒေများ ပြဋ္ဌာန်းကာ ရင်းနှီးမြှုပ်နှံ မှုများအား ဖိတ်ခေါ် လျက်ရှိရာ နိုင်ငံအတွင်း ဝင်ရောက် ရင်းနှီး မြှုပ်နှံလိုသူများ အများအပြား ရှိလာပြီ ဖြစ်ကြောင်း၊ မကြာမီ ကာလအတွင်း  အရှေ့တောင် အာရှ အားကစား ပြိုင်ပွဲကြီးအား အိမ်ရှင် နိုင်ငံအဖြစ် လက်ခံ ကျင်းပရန်ရှိခြင်း၊ ၂ဝ၁၄ ခုနှစ် အာဆီယံ အလှည့်ကျ ဥက္ကဋ္ဌ တာဝန် ထမ်းဆောင်ရန်ရှိခြင်း တို့ကြောင့်လည်း နိုင်ငံတကာ မှ နိုင်ငံခြားသားများ ဝင်ထွက် သွားလာမှု ပိုမိုများပြား လာမှာ ဖြစ်ကြောင်း၊ ထိုသို့ အကြောင်း အမျိုးမျိုးဖြင့် နိုင်ငံအ တွင်း ဝင်ရောက် လာကြသူများ အတွက် ပြည်ဝင်ဗီဇာ လွယ်ကူ ချောမွေ့စွာ ထုတ်ပေး နိုင်ရေးသည် အရေးပါသော လုပ် ငန်း တစ်ရပ် ဖြစ်ကြောင်းဖြင့် ယနေ့ မွန်းလွဲ ၂ နာရီတွင် နေပြည်တော်ရှိ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာန၌ ကျင်းပသည့် ပြည်ထောင်စု သမ္မတ မြန်မာ နိုင်ငံတော်၏ ပြည်ဝင် ဗီဇာစနစ် မူဝါဒ (Visa Policy in Myanmar) ကျင့်သုံး အကောင် အထည် ဖော်ဆောင်ရေး ဆိုင်ရာ ညှိနှိုင်း အစည်းအဝေးတွင် ဒုတိယ သမ္မတ ဦးဥာဏ်ထွန်းက အမှာစကား ပြောကြားသည်။

 

ဆက်လက်၍ လက်ရှိ စနစ်အရ မြန်မာနိုင်ငံ အတွင်း ဝင်ရောက်လိုသူ များအား ကမ္ဘာလှည့် ဗီဇာ၊ လုပ်ငန်းဗီဇာ၊ ပြည်ဝင်ဗီဇာ၊ ဖြတ်သန်းဗီဇာ၊ သံတမန် ဗီဇာ၊ အကြိမ်ကြိမ် ပြည်ဝင်ခွင့် ဗီဇာ ဟူ၍ ဗီဇာ ခြောက်မျိုးဖြင့် အပြည်ပြည် ဆိုင်ရာ လေဆိပ်၊ အပြည်ပြည် ဆိုင်ရာ ရေဆိပ်နှင့် နယ်စပ် ဝင်ပေါက်များမှ ဝင်/ ထွက်ခွင့် ပြုလျက်ရှိကြောင်း၊  အပြည်ပြည် ဆိုင်ရာ လေဆိပ်များမှ ဝင်ရောက်/ ထွက်ခွာရာတွင် ပိုမိုလျင်မြန် စေရန်အတွက် အပြည်ပြည်ဆိုင်ရာ လေဆိပ် များတွင် စစ်ဆေးရေး ကောင်တာများ တိုးချဲ့ခြင်း၊ နိုင်ငံ့ စီးပွားရေး ဖွံ့ဖြိုးတိုးတက်မှု ကို အထောက်အကူပြု နိုင်ရေးအတွက် ကနဦး အဆင့်အဖြစ် လုပ်ငန်းဗီဇာ၊ ဖြတ်သန်းဗီဇာ၊ ပြည်ဝင် ဗီဇာသုံးမျိုးအား ၁- ၆- ၂ဝ၁၂ ရက်မှစ၍ ရန်ကုန် အပြည်ပြည် ဆိုင်ရာ လေဆိပ်တွင် လည်းကောင်း၊ ၁- ၁၁- ၂ဝ၁၂ ရက်မှစ၍ မန္တလေး အပြည် ပြည်ဆိုင်ရာ လေဆိပ်တွင် လည်း ကောင်း၊ နိုင်ငံ ၂၇ နိုင်ငံအား ဆိုက်ရောက် ဗီဇာ (Visa On Arrival) စနစ်သစ်ဖြင့် ဝင်ခွင့် ပြုခဲ့ ပြီး ၁- ၂- ၂ဝ၁၃ ရက်မှစ၍ နောက်ထပ် ၂၂ နိုင်ငံကို လည်းကောင်း၊ ၁၈- ၃- ၂ဝ၁၃ ရက်တွင် နီပေါလ် နိုင်ငံကိုလည်းကောင်း ထပ်မံ ခွင့်ပြုခဲ့ရာ ယခုအခါ နိုင်ငံပေါင်း ၅ဝကို ဆိုက်ရောက် ဗီဇာ (Visa On Arrival) စနစ်သစ်ဖြင့် ခွင့်ပြုပေးပြီး ဖြစ်ကြောင်း၊ တစ်ဖက်တွင်လည်း မြန်မာနိုင်ငံ အတွင်းသို့ လုပ်ငန်းဗီဇာ၊ လူမှုရေး ဗီဇာများဖြင့် ဝင်ရောက်၍ ကာလ ကြာရှည်စွာ အခြေချ နေထိုင်နေသော နိုင်ငံခြားသား များအား ဗီဇာ စည်းကမ်းများနှင့် ညီညွတ်မှု ရှိ/ မရှိ စိစစ်နိုင်ရေး အတွက် စနစ်ကျသော နိုင်ငံခြားသား ထိန်းသိမ်းရေး လုပ်ငန်းစဉ် များကိုလည်း အားဖြည့် ဆောင်ရွက် ရမည်ဖြစ်ကြောင်း၊ လက်ရှိ ရရှိထားသော တည်ငြိမ် အေးချမ်းမှုနှင့် တရား ဥပဒေ စိုးမိုးရေး အခြေအနေများ အရ နယ်စပ် ဒေသများတွင် ပါဝင်/ ထွက်သွားလာမှု လုံခြုံချော မွေ့လာပြီဖြစ်ပြီး နိုင်ငံ၏ ပြည်ဝင်ခွင့် စနစ်ကိုလည်း တိုးချဲ့ပြုပြင် ပြောင်းလဲရန် လိုအပ် လာပြီ ဖြစ်ကြောင်း၊ နိုင်ငံ၏ အချုပ်အခြာ အာဏာနှင့် အမျိုးသား ယဉ်ကျေးမှု ဓလေ့ စရိုက်များ ရေရှည်တည်တံ့ ခိုင်မြဲစေရန် အတွက် ကာကွယ်ထိန်းသိမ်း စောင့်ရှောက်ရန် စည်းကမ်းပျက်၊ နိုင်ငံခြား သားများ ဝင်/ထွက် သွားလာမှုများကို စနစ်တကျ  ထိန်းသိမ်း ကြပ်မတ်ပေးရန် လိုအပ် သကဲ့သို့ တစ်ဖက်မှလည်း ဖွံ့ဖြိုး တိုးတက်ရေးကို အားယူ ဆောင်ရွက် နေသည့် နိုင်ငံတစ်နိုင်ငံ အနေဖြင့် ရင်းနှီးမြှုပ်နှံ လိုသူများ၊ တိုင်းပြည်ဖွံ့ဖြိုး တိုးတက်ရေးကို အထောက်အကူ ပြုနိုင်သည့် ကျွမ်းကျင် ပညာရှင်များ၊ တိုင်းပြည်ဝင်ငွေ တိုးတက် လာစေမည့် ကမ္ဘာလှည့် ခရီးသည်များ ပြည်တွင်းသို့ ဝင်ရောက်ရာတွင် စနစ်ကျ သော ပြည်ဝင် ဗီဇာများ လွယ်ကူ ချောမွေ့စွာ ရယူနိုင်ရေး ကိုလည်း ဆောင်ရွက် ပေးရမည် ဖြစ်ကြောင်း၊ သို့ဖြစ်ပါ၍ အစည်းအဝေး တက်ရောက် ကြသူများမှ နိုင်ငံတော် အကျိုးစီးပွားကို ရှေးရှု၍ အမျိုးသားရေး ရှုထောင့်၊ စီးပွားရေး ရှုထောင့်၊ နိုင်ငံတကာ ရှုထောင့်စသည့် ရှုထောင့် အမျိုးမျိုးမှ လေ့လာ သုံးသပ်ပြီး ကောင်းမွန် ပြည့်စုံသော ပြည်ဝင် စနစ်မူဝါဒ ချမှတ်နိုင်ရေး အတွက် ဝိုင်းဝန်းအကြံ ပြု ဆွေးနွေး သွားကြရန် တိုက်တွန်း ပြောကြားသည်။

 

ထို့နောက် ပြည်ထောင်စု ဝန်ကြီး ဦးခင်ရီက ပြည်ဝင်စနစ် မူဝါဒကျင့်သုံး အကောင်အထည် ဖော်ရေး ဆိုင်ရာ စီမံ ဆောင်ရွက် ထားရှိမှုများကို  အကျယ်တဝင့် ရှင်းလင်း တင်ပြသည်။

 

ဆက်လက်၍ အစည်းအဝေး သို့ တက်ရောက် လာကြသည့် ပြည်ထောင်စုဝန် ကြီးများ၊ ဒုတိယ ဝန်ကြီးများ နှင့် တိုင်းဒေသကြီး နှင့်ပြည်နယ် အစိုးရ အဖွဲ့များက သက်ဆိုင်ရာ ကဏ္ဍအလိုက် အကြံပြု ထပ်မံဖြည့်စွက် တင်ပြကြသည်။ ယင်းနောက် ဒုတိယ သမ္မတ ဦးဥာဏ်ထွန်းက တင်ပြချက်များ အပေါ် သုံးသပ်ညှိနှိုင်း ပေါင်းစပ်ပေးပြီး နိဂုံးချုပ် အမှာစကား ပြောကြားကာ အစည်းအဝေးကို ရုပ်သိမ်း လိုက်သည်။

အဆိုပါ ညှိနှိုင်း အစည်းအဝေးသို့ ပြည်ထောင်စု ဝန်ကြီးများ ဖြစ်ကြသည့် ဒုတိယ ဗိုလ်ချုပ်ကြီး ကိုကို၊ ဦးဝဏ္ဏမောင်လွင်၊ ဦးတင်နိုင်သိန်း နှင့် ဦးခင်ရီ၊ ဒုတိယ ဝန်ကြီးများ၊ တိုင်းဒေသကြီးနှင့် ပြည် နယ် အစိုးရ အဖွဲ့ဝင် ဝန်ကြီးများနှင့် ဌာနဆိုင်ရာ တာဝန် ရှိသူများ တက်ရောက်ကြသည်။

 

MWD