ဘားအံမြို့ ပြည်ထောင်စုနေ့ အခမ်းအနားတွင် ပြည်နယ် ၀န်ကြီးချုပ်မှ သမ္မတ ၏ မိန့်ခွန်းအား ဖတ်ကြား

ကရင်ပြည်နယ်၊ ဘားအံမြို့ အမှတ်(၄)ရပ်ကွက်ရှိ သီရိကွင်းတွင် ယနေ့ ကျင်းပပြုလုပ်ခဲ့သည့် ၆၆နှစ်မြောက် ပြည်ထောင်စုနေ့ အခမ်းအနား တွင် နိုင်ငံတော်သမ္မတ ဦးသိန်းစိန်မှ ပေးပို့လာ သည့်ပြည်ထောင်စုနေ့ သ၀ဏ်လွှာကို ကရင်ပြည်နယ် ၀န်ကြီးချုပ် ဦးဇော်မင်းကိုယ်တိုင် ဖတ်ကြားခဲ့သည် ဟု သိရသည်။

သမ္မတဦးသိန်းစိန်၏ သ၀ဏ်လွှာတွင် ဒီမိုကရေစီခရီးကို ဆက်လက် လျှောက်လှမ်းသွားမည့်အပြင် တိုင်းရင်းသားများနှင့် စစ်မှန် သော ငြိမ်းချမ်းရေး တည်ဆောက်သွားမည့်အကြောင်းများ ပါဝင်သည်ဟု ၎င်းအခမ်းအနားသို့ တက်ရောက်ခဲ့သည့် ဖလုံ-စဝေါ် ဒီမိုကရက်တစ်ပါတီ(PSDP) ဒုဥက္ကဌ မန်းအောင်ပြည် စိုးက ယခုလို ပြောပြသည်။

“ပြည်ထောင်စုနေ့ ဖြစ်ပေါ်လာပုံအကြောင်းတွေရယ်။ နောက်ပြီးတော့ ဒီမိုကရေစီခရီးကို ဆက်လျှောက် မယ့်အကြောင်းတွေနဲ့ တိုင်းရင်းသားတွေနဲ့လည်း စစ်မှန်တဲ့ငြိမ်းချမ်းရေးကို တည်ဆောက်သွားမယ် ဆိုတာတွေကို ၀န်ကြီးချုပ်က ဖတ်ပြသွားတာပါ။ ဒီလို ကျင်းပပေးတော့လည်း ကျနော်တို့ကတိုင်းရင်းသား တစ်ဦးအနေနဲ့ တက်ရောက်ခွင့်၊ နားထောင်ခွင့်၊ ဆင်နွှဲခွင့်ရတာ ၀မ်းသာပါတယ်”ဟု ပြောသည်။

ကရင်ပြည်နယ်အစိုးရအဖွဲ့မှ ကြီးမှူးကျင်းပခဲ့သည့် ၆၆နှစ်မြောက် ပြည်ထောင်စုနေ့ အခမ်းအနားသို့ ၀န်ကြီးချုပ် ဦးဇော်မင်းနှင့် ပြည်နယ်အစိုးရအဖွဲ့ဝင်များအပြင် ဘားအံမြို့သို့ ရောက်ရှိနေသော ကရင်အမျိုးသားအစည်းအရုံး (KNU)မှ ကာကွယ်ရေးဌာန တာဝန်ခံ ပဒိုစောရောဂျာခင်၊ နိုင်ငံခြားရေးဌာန တာဝန်ခံ ပဒိုအောင်ဝင်းရွှေနှင့် PSDP ပါတီဝင်များနှင့် ဒေသခံပြည်သူ ၂၀၀၀နီး ပါး တက်ရောက်ခဲ့ ကြသည်။

အခမ်းအနားကို နံနက် ၇နာရီမှ စတင်၍ တစ်နာရီကြာ ကျင်းပခဲ့ကြပြီး ကျောင်းအသီးသီးမှ ကျင်းပသည့် စာစီစာကုံးပြိုင်ပွဲများမှ ဆုရရှိသူများ၊ ဘားအံမြို့အနီးတ၀ိုက်ရှိ ကျေးရွာများမှ ယခုနှစ်အတွင်း စပါးအ ထွက်နှု န်း အများဆုံး စိုက်ပျိုးနိုင်သူများကိုလည်း ဆုချီးမြှင့်ခဲ့ကြကြောင်း သိရသည်။

၎င်းပြည်ထောင်စုနေ့ကို ဂုဏ်ပြုကြိုဆိုသောအားဖြင့် ဘားအံမြို့၊ အမှတ်(၉)ရပ်ကွက် လုပ်သားလမ်း ကတ္တရာလမ်းသစ်နှင့် ဘား ကပ်-ရသေ့ပျံ-ကော့ဂွန်း ကျေးရွာချင်းဆက် ကတ္တရာလမ်းသစ်ဖွင့်ပွဲ များ ကို ပြည်နယ်ဝန်ကြီးချုပ်နှင့် ပြည်နယ် စည်ပင်သာယာ ရေးဝန်ကြီး ဦးသံဒိုင်တို့က ဖေဖော်ဝါရီလ ၉ရက်နေ့ တွင် ဖဲကြိုးဖြတ် ဖွင့်လှစ်ပေးခဲ့ကြောင်း ယခုလ ၁၀ရက်နေ့ထုတ် မြန်မာ့အ လင်းသတင်းစာ တွင် ဖော်ပြ ထားသည်။

ကေအိုင်စီ