အဆဲခံပြီး ရေးလိုက်သည်၊ ကိုဉာဏ် (ပန်းလောင်မြေ)

(က)

 

အစိုးရကလည်း ပြောချင်တာလေးရှိရင် ထုတ်နုတ်ကိုးကားတယ်...

ဒါပေမယ့် အပြည့်အစုံ မဟုတ်ဘူး။

မြန်မာ့တပ်မတော်ကလည်း လိုချင်တာလေးတွေကို ထုတ်နုတ်ကိုးကားတယ်...

ဒါပေမယ့် အပြည့်အစုံ မဟုတ်ဘူး။

နိုင်ငံရေးသမားတွေကလည်း ကိုယ်ပြောချင်တာတွေကို ဟိုတစ်စဒီတစ်စ ထုတ်နုတ်ကိုးကားပြောကြတယ်...

ဒါပေမယ့် အပြည့်အစုံ မဟုတ်ဘူး။

လမ်းဘေးကကောင်ကလည်း သူသောက်တလွဲလုပ်သမျှ အမှန်ဖြစ်ကြောင်း အကိုးအကားလေးနဲ့ ပြောရှာတယ်...

ဒါပေမယ့် အပြည့်အစုံ မဟုတ်ဘူး။

အခုနောက်ဆုံး... စတုတ္ထမဏ္ဍိုင်ဆိုတာကြီးတွေကပါ ကျန်တဲ့မဏ္ဍိုင်တွေကို တစ်ခုခုဝေဖန်ချင်ရင် ထုတ်နုတ်ကိုးကားလေးနဲ့ သာသာနဲ့နာနာ နှက်ကြတယ်...

ဒါပေမယ့် အပြည့်အစုံတော့ မပြောကြဘူး။

ဘာသာရေးဆိုင်ရာ ပဋိပက္ခတွေဖြစ်တော့လည်း အကိုးကားခံရပြန်တာပဲ...

ဒါပေမယ့် အပြည့်အစုံ မဟုတ်ဘူး။

...............................................

ဒါပေမယ့် အပြည့်အစုံ မဟုတ်ဘူး။

.......................................................

ဒါပေမယ့် အပြည့်အစုံ မဟုတ်ဘူး။

................................................................

ဒါပေမယ့် အပြည့်အစုံ မဟုတ်ဘူး။

...............................................................................

ဒါပေမယ့် အပြည့်အစုံ မဟုတ်ဘူး။ 

တောက်... တော်သေးတာပေါ့ကွာ...

 

ငါတို့ဗိုလ်ချုပ်၊ ငါတို့အောင်ဆန်း၊ ငါတို့တေဇ၊ ငါတို့ထိန်လင်း အသက် ၃၂ နှစ်မှာ သေသွားရှာလို့။ အခုခေတ်လူတွေ ကိုယ်လုပ်ချင်ရာလုပ်ဖို့အတွက် ဗိုလ်ချုပ် ပြောခဲ့တဲ့စကား ကိုးကားလိုက်ပုံများ ဘုရားရှင် ဟောပြောခဲ့တဲ့ တရားဓမ္မတွေကိုတောင် ဘေးဖယ်ထားတဲ့အထိ။ မသိရင် အောင်ဆန်းဆိုတဲ့ လူကပဲ ဟိုလိုတစ်မျိုး၊ ဒီလိုတစ်မျိုး အမျိုးမျိုး ပြောခဲ့သလို ဖြစ်ဦးမယ်။ ကျွန်တော်တို့ ငယ်ငယ်က သင်္ချာတွက်တာကို ပြန်သတိရမိတယ်။ မေးထားတဲ့သင်္ချာပုစ္ဆာက အဖြေဘယ်လောက်ဆိုတာ သိနေတဲ့ အချိန်မျိုးပေါ့။ လူတိုင်း မဟုတ်ပေမယ့် ကျွန်တော့်လိုမျိုး အချို့အချို့သော လူလည်ကျောင်းသားများက သင်္ချာကို ပြောင်းပြန်တွက်ကြတယ်။ သူ့အဆင့်နဲ့သူ အဆင့်ဆင့် တွက်လာလို့ရှိရင် သိနေတဲ့အဖြေ မရမှာစိုးတဲ့အတွက် သိထားတဲ့အဖြေကနေ နောက်ပြန် ပြန်တွက်တာမျိုးပါ။ အကြောင်းတိုက်ဆိုင်တဲ့လူတွေ ကျွန်တော်ပြောချင်တာကို နားလည်ပါလိမ့်မယ်။ အခုလည်း ကျွန်တော်ငယ်ငယ်ကလိုမျိုး လူစားတွေ အများကြီးပါလားဆိုတာ တစ်နေ့တစ်ခြား သိလာရတယ်။ သွယ်ဝိုက်မပြောတော့ဘူး.... တဲ့ထိုးပြောမယ်။ ဗိုလ်ချုပ်က ဒီလိုပြောခဲ့လို့၊ ဒီလိုလမ်းညွှန်ခဲ့လို့ လုပ်နေကြတဲ့လူတွေ ရှိကောင်းရှိနိုင်တယ်... ဒါပေမယ့် သိပ်ရှားတယ်။ အားလုံးနီးပါးဟာ ကိုယ်လုပ်ချင်ရာလုပ်ဖို့အတွက် ဗိုလ်ချုပ်ပြောတဲ့ဟာတွေကို ပြန်ကိုးကားပြီး တရားခံရှာနေကြတယ်။ ဗိုလ်ချုပ်ပြောတဲ့အတိုင်း လုပ်ကြတာမဟုတ်၊ ကိုယ်လုပ်ချင်တာကို ဗိုလ်ချုပ်စကားနဲ့ ကာဗာလုပ်ကြတာပါ။ မျက်နှာဘေးကဖြတ်သွားတဲ့ ခဲလုံးကိုမြင်ပြီး အား..... ဟု အော်မည့်သူများ၊ ဆွာရက်ဇ်ကဲ့သို့ အခြားကစားသမား၏ ခြေထောက်မြင်လိုက်ရုံနှင့် လဲကျမည့်သူများ၊ လက်နှင့်တောင် မတို့ရသေးဘဲ ဟီးခနဲ ငိုချင်နေသည့် ကလေးစိတ်မကုန်သေးသူများ အားလုံးအားလုံး ပေါက်ကွဲနိုင်ကြပါပြီ။ ကျွန်တော်ရေးခဲ့သည်များကြောင့် တည့်တည့်တကယ်ထိမှန်၍ နာသွားသောသူများကိုမူ အားနာပါကြောင်း ပြောပါရစေ။

 

(ခ)

 

ပြဿနာများဖြစ်ပြီလားဆိုလျှင် အင်တာဗျူးကြပြန်ချေပြီ။

ကျန်သည့်အချိန် ရှိလေသည်ဟုပင် မမှတ်။

ဟိုနားဒီနား ရုတ်ရုတ်သဲသဲ ဖြစ်ကြပြန်ပြီလားဆိုလျှင် လျှောက်ကြပြန်လေပြီ။

ကျန်သည့်အချိန် အနားပင်မကပ်။

ဆူဟဲပူဟဲ့ ဖြစ်ကြပြန်ပြီလားဆိုလျှင် မေးကြမြန်းကြပြန်ချေပြီ။

ကျန်သည့်အချိန် သတိပင်မရ။

ကိုယ်ပြောချင်တာကို ပါးစပ်ငှား၍ ပြောလိုလျှင် ပြေးကြမေးကြပြန်ချေပြီ။

ကျန်သည့်အချိန် နာမည်ကိုပင် ပြောဖို့သတိမရ။

................................................. လျှောက်ထားပြန်ချေပြီ။

..................................................... အင်တာဗျူးပြန်ချေပြီ။

............................................................. လေလှိုင်းပေါ် ရောက်ပြန်ချေပြီ။

.....................................................................မှတ်ချက်ပြုပြောကြားခိုင်းကြချေပြီ။

 

သီတဂူဆရာတော်ပေမို့... ဂုဏ်သိက္ခာကြီးမြင့်သော ဆရာတော်ကြီးပေမို့... ပညာဉာဏ်ကြီးမြင့်သော ပုဂ္ဂိုလ်မြတ်ကြီးပေမို့..... တော်ပေးသေးရော့သည်။ ကျွန်တော်ကိုဉာဏ်သာဆိုလျှင် လာသမျှလူ၊ မေးသမျှလူ၊ လျှောက်သမျှလူ၊ ဗျူးသမျှလူ အကုန်အကုန်လုံးကို လာသမျှ ကတုံးတုံး ၀တ်စုံဖြူဝတ်ပေးပြီး ကုဋီဆေးခိုင်းပစ်လိုက်သည်။ အို.... အမျိုးကောင်းသား၊ အမျိုးကောင်းသမီးတို့ သင်တို့တစ်တွေ ရဟန်းသံဃာများကို ဆည်းကပ်ကိုးကွယ်ခြင်းဟူသည် ဘဇာကြောင့်နည်း။ သီလတောင်းရန်အတွက်လား၊ သို့မဟုတ် အခါတော် တောင်းရန်အတွက်လား၊ တရားနာရန်အတွက်လား၊ သို့မဟုတ် နိုင်ငံရေးအမြင် တောင်းခံရန်အတွက်လား၊ တရားဓမ္မ ဆွေးနွေးမေးမြန်းရန်အတွက်လား၊ သို့မဟုတ် လတ်တလောနိုင်ငံရေး အခြေအနေတွေကို သုံးသပ်ဝေဖန် စကားဝိုင်းဖွဲ့ဖို့အတွက်လား၊ နိဗ္ဗာန်ရောက်ကြောင်း သင်ပြလမ်းညွှန်ခိုင်းရန်အတွက်လား၊ သို့မဟုတ် ဒီမိုကရေစီရကြောင်း နည်းလမ်းကောင်းကို တောင်းခံရန်အတွက်လား... စဉ်းစားကြပါလေ။ အခါကြီးရက်ကြီးမှာ သီတဂူဆရာတော်ကြီးထံသွား၍ တရားနာကြပါလေ၊ သီလခံယူကြပါလေ၊ ဥပုသ်သီတင်း ဆောက်တည်ကြပါလေ...။ သီတဂူဆရာတော်ကြီး လုပ်ကိုင်ဆောင်ရွက်နေသော လူမှုရေး လုပ်ငန်းများကို ကိုယ်အားဉာဏ်အား၊ ငွေအားစိတ်အားနဲ့ ကူညီကြပါလေ။ သီတဂူဆရာတော်ကြီးကဲ့သို့ တရားဓမ္မများကို နားလည်တတ်ကျွမ်းအောင် လေ့လာကြပါလေ၊ အားထုတ်ကြပါလေ။ သီတဂူဆရာတော်ကြီးကဲ့သို့ မနားမနေ အလုပ်လုပ်တော်မူကြပါလေ။ သီတဂူဆရာတော်ကြီးကဲ့သို့ ဗုဒ္ဓမြတ်စွာ သာသနာကို ကမ္ဘာသိအောင် ကြိုးပမ်းကြံဆောင်ကြပါလေ။ အို... သူတော်ကောင်းအပေါင်းတို့၊ သီတဂူဆရာတော်ကြီးသည် ဘုရားသားတော်တစ်ပါး၊ ရဟန်းသံဃာတစ်ပါး၊ သာသနာပြုပုဂ္ဂိုလ်တစ်ပါး ဖြစ်ပါသည်။ သင်တို့၏ မျက်စိထဲတွင် သီတဂူဆရာတော်ကြီးအား သင်္ကန်းဝတ်ထားသည့် နိုင်ငံရေးအတိုင်ပင်ခံ၊ နိုင်ငံရေးအကြံပေး၊ နိုင်ငံရေးလေ့လာသုံးသပ်သူ ပုဂ္ဂိုလ်တစ်ဦးအဖြစ် မမြင်ကြစေလိုကြောင်း တောင်းပန်အပ်ပါသည်။

(ဂ)

 

အမျိုး၊ ဘာသာ၊ သာသနာကို ကာကွယ်စောင့်ရှောက်ကြမတဲ့။ ကောင်းပါ၏။ ဗုဒ္ဓဘာသာဝင်များအဖို့ မြတ်စွာဘုရားထက် ကြီးမြတ်သောပုဂ္ဂိုလ် မရှိပါ။ ဘုရားရှင်ဟောကြားခဲ့သော တရားဓမ္မများထက် အဖိုးတန်သော လမ်းညွှန်၊ ဆုံးမစကား မရှိပါ။ ဘုရားရှင်ပြသခဲ့သော နိဗ္ဗာန်ရောက်ကြောင်း တရားဓမ္မများထက် သာလွန်မြင့်မြတ်သောအရာ ကမ္ဘာပေါ်မှာ မရှိပါ။ မြတ်စွာဘုရားကိုယ်တော်တိုင်က ငါဘုရားဟောကြားခဲ့လို့ အမှန်ဖြစ်တာမဟုတ်ဘူး၊ အမှန်တရားတွေကိုသာ ငါဘုရားဟောကြားတယ်လို့ မိန့်ကြားခဲ့ပါတယ်။ ပိုပြီးတော့ ကြည်ညိုဖွယ်ကောင်းတာက ဘယ်သူကပြောလို့၊ ဘယ်ဝါကပြောလို့၊ ဘယ်ထဲမှာ ရေးထားလို့၊ ဘယ်ကျမ်းမှာပြထားလို့ဖြင့် မျက်စိစုံမှိတ် မယုံကြည်လိုက်ပါနဲ့တဲ့။ အရာရာကို ၀ိဘဇ္ဇ၀ါဒနဲ့ ရှုမြင်ကြစေလိုသည့်အကြောင်း မိန့်ကြားခဲ့ပါသည်။ ကာလာမသုတ်တော်ကို နှလုံးသွင်း ဆင်ခြင်ကြပါကုန်။

(ဃ)

 

ဗိုလ်ချုပ်အောင်ဆန်းသည် သာမန်ထက်ထူးကဲသော သာမန်လူသားတစ်ဦးသာ ဖြစ်ပါသည်။ သီတဂူဆရာတော်သည်လည်း သာမန်ထက်ထူးကဲသော သာမန်လူသားတစ်ဦးသာ ဖြစ်ပါသည်။ ထို့အတူ အခြားအခြားသော ပုဂ္ဂိုလ်များ၊ လူများသည်လည်း သာမန်လူသားများ၊ သာမန်ထက် နည်းနည်းပိုထူးသူများ၊ သာမန်ထက် အတော်ထူးသူများသာ ဖြစ်ကြပါသည်။ ဘယ်သူပြောသမျှအမှန်၊ ဘယ်သူမိန့်သမျှအမှန်ဟူ၍ တရားသေကိုင်စွဲ၍ တုတ်ထမ်း၊ ဓားထမ်း၍ ပြောနေကြမည်ဆိုလျှင်ဖြင့် ဘုရားရှင်၏ ဆုံးမစကားနှင့် ညီညွတ်နိုင်မည် မထင်ပါ။ ဟုတ်ကဲ့..... အခု ကျွန်တော်ရေးခဲ့တာတွေကိုလည်း ၀ိဘဇ္ဇ၀ါဒဖြင့်သာ.....။

 

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ မတ်လ ၂၉ ရက်၊ သောကြာနေ့။

နေ့လည် ၁၁ နာရီ ၅၅ မိနစ်တွင်ပြီး၏။

 

စာကြွင်း

ကြည့်ဖူးသည့် စတေ့ခ်ျရှိုးပွဲများ၊ အခမ်းအနားများတွင် လက်ခုပ်တောင်းသံကို ကြားဖူးကြလိမ့်မည် ထင်ပါသည်။ အဆင်ပြေရင် လက်ခုပ်သံလေးကြားချင်တယ် ဆိုတာ ကလေးအစ လူကြီးအဆုံး အားလုံးနီးပါး သိကြပါသည်။ ဟုတ်ကဲ့.. ကျွန်တော်ကိုဉာဏ်လည်း ရေးခဲ့တဲ့စာတွေအတွက် အဆဲအဆိုလေးများ ချီးမြှင့်ကြပါဦးလို့ တောင်းဆိုလိုက်ပါသည်။ သို့သော် တစ်ခုတော့ တောင်းပန်လိုပါသည်။ ကျွန်တော်ကိုယ်တိုင်က လိုလိုလားလား အဆဲခံချင်ကြောင်း ပြောကြားထားပါလျက် သူများဆဲလို့ လိုက်ဆဲတာမျိုး၊ ပုံသေနည်းအရ ကျွန်တော်... ဘာရေးရေး ဆဲတာမျိုး မပြုလုပ်ကြဘဲ ကိုယ့်စိတ်ကိုယ် ဝေဖန်သုံးသပ်၍ ကျွန်တော်ကိုဉာဏ်အား ရင်ထဲအသည်းထဲက အမှန်တကယ် ဆဲချင်မှသာလျှင် အားပါးတရ ဆဲဆိုကြစေလိုသည့်အကြောင်း မေတ္တာရပ်ခံလိုက်ပါသည်။ အားလုံးကို ကျေးဇူးတင်ပါသည်။

 

http://myanmarthway.blogspot.com/2013/03/blog-post_8125.html